Öd kisəsi orqanizimdə mühüm rol oynayır. Onun əsas funksiyası öd saxlamaqdır. Öd, qaraciyərdə əmələ gələn və bədənin yağları həzm etməsinə kömək edən bir maddədir. Öd hәzm proseslәrindә iştirak edir və hәzm prosesinin aktiv dövründә öd kisәsi ödü maksimal hәcmdә onikibarmaq bağırsağa ifraz edir.
Bəs öd kisəsinin yaxşı işləmədiyini göstərən simptomlar hansılardır?
1.Sağ qabırğa altından qarına yayılan sancı, ağrı
Əsasən səhərlər, insan ac olanda və qida qəbulundan sonra bu ağrı başlayır. Ağrı kifayət qədər intensivdir və çiyinə, qola, belə yayıla bilər.
Ağrı əsasən öd kisəsi iltihabında, daşması zamanı, eləcə də daş olanda hiss olunur. Daş hərəkət etdikcə ağrı artır. Öd yolu çox nazik, ensizdir. Ora daşın düşməsi isə olduqca təhlükəlidır və tutma şəkilli ağrı verir.
2. Mütəmadi ürəkbulanma, ağır yeməkdən sonra qusma
Öd daşları öd yollarını tutduqda, xolesistit adlı iltihabi proses yaradır. Bu zaman öd bağırsağa keçə bilmir, həzm pozulur. Ödün divarları şişir, ağrı verir və bu mədəyə də təsir edərək, ürəkbulanma, qusma verir. Əgər yeməkdən sonra qusmalar artırsa, ödünüzü yoxladın.
3. Mədədə yanğı, qıcqırma
Hər yeməkdən sonra mədədə yanma, gəyirmə, hıçqırma, ağıza acı öd dadı gəlməsi əlaməti varsa, bu öd daşı problemidir.
4. Dərinizin rənginin dəyişməsi
Əgər dəriniz, göz içi, ovuclar sanki gündə qaralmış, yanmış kimi rəng alırsa, saralırsa, bu öd yollarının tam tutulmasının əlamətidir. Öd daşı və ya hər hansı səbəb öd kisəsinin çıxacağını tutursa, istifadə olunmamış bilirubin yığılır və bu dəriyə sarı piqment verir. Bu zaman qanda bilirubinin də miqdarı yoxlanmalıdır.
5. Sidik və nəcisdə dəyişiklik
Sidiyin tündləşməsi, nəcisin isə ağarması öd kisəsi pozulmasının birinci siqnalıdır. Bu ifrazat məhsullarının da rənginə bilirubin cavabdehdir. Bilirubin öddən çıxıb, bağırsağa sovrulmursa, deməli, sidik və nəcisdə rənglənmə olmur.
6. Hərarətin səbəbsiz qaxlması, qəfil titrəmə, halsızlıq
Əgər sizdə qrip, virus olmadan, qızdırma, titrəmə baş verirsə, yanaşı olaraq, ürəkbulanma, qarında, sağ qabırğaaltında küt ağrı varsa, çox güman ki, öd axarı tutulub, öd kisəsində iltihab və infeksiya var. Bu çox kəskin vəziyyərdir və təcili yardım, xəstəxanaya müraciət mütləqdir.
Öddə olan 90% dəyişikliklər ağrı verir, təkcə polipdən başqa. Öd kisəsi, qaraciyər ildə 2 dəfə yoxlanmalıdır.
